BIOGRAFIA

BEHGJET PACOLLI

Behgjet Isa Pacolli është politikan dhe biznesmen shqiptar nga Kosova, që ka shërbyer si president i tretë i Republikës së Kosovës.

Gjithashtu, aktualisht është Zëvendëskryeministër i parë i Kosovës dhe Ministër i Punëve të Jashtme. Ai ka qenë edhe Zëvendëskryeministër i parë i Republikës së Kosovës gjatë periudhës qeverisëse 2011-2014.

Lindur me 30 gusht 1951, në Marec të Prishtinës, Behgjet Pacolli është i biri i Isës dhe Nazmijes, i dyti nga 10 fëmijë, i martuar me znj. Masha Pacolli. Ai është prind i gjashtë fëmijëve: tri vajzave dhe tre djemve (Arbreshës, Selenës, Hanës, Isës, Diarit dhe Armanit).



Pas një jete dhe karriere të bujshme në botën e biznesit larg Kosovës, z. Behgjet Pacolli, që nga viti 2000, i është përkushtuar me shumë vullnet punës për përmirësimin e jetesës në vendlindjen e tij. Të gjithë potencialin e tij ai e vuri në interes të Kosovës, duke lobuar në Bruksel dhe Uashington, me kompaninë e tij lobuese “ The New Kosovo Alliance” (Aleanca Kosova e Re).

Ai ka bashkëpunuar me disa figura shumë të larta të politikës botërore e sidomos të asaj amerikane, siç janë: Frank Carlucci, Norton Abramovitz, S. Waterman, Zbigniew Brzezinski, Janusz Bugajski, Henry Kissinger, e shumë të tjerë.



Për katër vite ai ishte edhe anëtar i bordit të organizatës CSIS, në komitetin që udhëhiqte Henry Kissinger. Nga aty hapi çdo derë që duhej hapur për të ardhur deri te pjekja e kushteve, derisa edhe presidenti Bush, gjatë vizitës së tij në Tiranë, në qershor të vitit 2007, deklaroi se “Kosova duhet të jetë shtet, republikë e pavarur, tani".



G A L E R I A



Fotografi gjatë jetës së Z.Behgjet Pacolli, që nga fëmijëria e tij në fshatin Marec e deri te arritja e një miliarderi me famë botërore.